Skuadra e Drenicës e pret Gjilanin në stadiumin “Bajram Aliu” në Skënderaj, në kuadër të javës së 4-të në IPKO Superligën e Kosovës.
Para kësaj sfide tejet të rëndësishme ka folur ekskluzivisht për BlicMedia, trajneri i skuadrës së Drenicës, Tahir Lushtaku.
Lushtaku e ka cilësuar skuadrën nga Gjilani si një ekip i super përforcuar.
‘Për ndeshjen kundër Gjilanit e dimë që do jetë e vështirë sepse është ekip super e përforcuar me futbollista të dëshmuar dhe me përvoj’, ka thënë fillimisht trajneri i Drenicës.
‘Ne kemi punuar gjatë kësaj pauze që ka qenë në kampionat dhe jemi optimist në fitoren ku dihet lujna si vendas dhe përkrahja nga ana e tifozëve tanë nuk do të mungojë dhe me një lojë kolektive dhe të diciplinuar ne do t’i gëzohemi tri pikëve’, ka deklaruar Tahir Lushtaku.
Drenica – Gjilani luhet sot me fillim nga ora 16:00. /Blicmedia.net