Pas pauzës për shkak ndeshjeve të përfaqësueseve, nesër vazhdon kampionati me javën e 4-të.
Prishtina e pret Llapin. Dy skuadra këto, që edicionin e fundit rivalizuan për titull deri në javën e 31-të kur kryeqytetasit kishin mposhtur rivalët 1-0.
Prishtina duelin në derbin rajonal e pret me kryetrajnerin e ri Bylbyl Sokoli i cili do të debutoj në postin e sapoemëruar.
Java IV
Prishtina – Llapi
E premte, 12 shtator – ora: 19.00
Stadiumi: “Fadil Vokrri”
Gjyqtarë: Mervan Bejtullahu (Gjl), Erduan Baliqi (Mt), Gzim Mehmeti (Ob) – Vigan Ibërdemaj (Pe)
Çmimi i biletave:
Tribuna Lindore dhe Veriore (për tifozët e Llapit) 3 euro
Tribuna Perëndimore 5 euro.
Tribuna VIP 15 euro.
B. Sokoli: Shpresoj në prezantim të suksesshëm të ekipit
“Është ndeshja ime e para dhe luajmë kundër një ekipi cilësor. Atmosfera në klub është jashtëzakonisht e mirë dhe po shpresoj në prezantim të suksesshëm të ekipit në këtë ndeshje timen të parë. Jemi skuadër komplete, përveç Leonit Abazit që ka pasur një lëndim gjatë javës i cili është duke e sanuar lëndimin dhe mungon në ndeshje”, ka thënë shefi i shtabit teknik, Bylbyl Sokoli, njoftim nga kluni i Prishtinës. /BlicMedia.net