Enca është padyshim një ndër këngëtaret më të suksesshme të estradës shqiptare, këngët e së cilës kthehen menjëherë në hite.
Ajo është po ashtu shumë aktive në rrjete sociale ku vazhdimisht ndan me ndjekësit e saj foto, video ose njoftime nga ndonjë projekt i ardhshëm muzikor.
Ditën e sotme përmes një postimi të bërë në profilin e Instagramit, Enca lajmëroi fansat për muzikë të re, ose më mirë të themi për shumë muzikë të re. Këngëtarja shihej që kishte mbledhur shumë energji dhe ishte gati të realizonte diçka të madhe. “Kush don me dëgju (shumë) muzikë të re?”, shkruante ajo.
Provat për këtë, na i dha mbrëmjen e sotme. Përmes një tjetër postimi në Instastory, Enca ka zbuluar se ka realizuar tre këngë në një ditë të vetme. ‘3 këngë të përfunduara në një ditë, legjendë jam’, ka shkruar ajo. Titujt e këngëve ose zhanret përkatëse nuk janë zbuluar ende por me këtë ritëm është e sigurt që do i marrim vesh shumë shpejt.
