Kampioni në fuqi, Feronikeli do të përballet me Flamurtarin në kuadër të javës së pestë në IPKO Superligën e Kosovës.
Sot me fillim nga ora 16:00 në stadiumin “Rexhep Rexhepi” në Drenas, Feronikeli pret Flamurtarin, në një ndeshje e cila pritet të jetë tejet interesante.
Para kësaj sfide jashtëzakonisht të rëndësishme në një prononcim për BlicMedia, ka folur futbollisti i Feronikelit, Yll Hoxha.
“Është një ndeshje shumë e rëndësishme për ne, që të arrijmë fitore në këtë përballje“, ka thënë Hoxha.
“Luajm në shtëpi dhe e kemi parasysh se skuadrat pretendente për titull kanë shënuar fitore“, ka deklaruar Yll Hoxha për BlicMedia.