Dështimi i Llapit në ndeshjen me Ferizajn e ka “bartur” te Ballkani mundësinë e shkëputjes në tabelën e klasifikimit në IPKO Superligën e Kosovës në futboll.
Ballkani ka rast të hënën (sot) që të dalë në vendin e parë, nëse ia del të marrë pikë në ndeshjen me Prishtinën.
Ndeshja Ballkani – Prishtina luhet në stadiumin e qytetit në Suharekë nga ora 14:30 dhe është derbi i xhiros së nëntë të kampionatit të Kosovës në futboll.
Ballkani ka befasuar me rezultate të mira në fillim të edicionit dhe renditet i dyti me 17 pikë.
17 pikë i ka edhe Drita e vendit të parë, që ndeshjen e javës së nëntë e luan të martën në udhëtim ndaj Drenicës.
Sot luhen edhe dy ndeshje tjera, ku Trepça ’89 e pret Feronikelin, në një ndeshje intesante.
Derbi i skaudrave të fundit do të jetë edhe ajo mes Vushtrrisë dhe Flamurtarit që zhvillohet në ‘Ferki Aliu’.