Komisioni Qendror i Zgjedhjeve ka filluar tashmë edhe përgatitjet teknike për zgjedhjet e jashtzakonshme të 6 tetorit.
Me qëllim të parandalimit të votimit më shumë se një herë në zgjedhje KQZ-ja është furnizuar me sprei UV , i cili ka kushtuar 48 mijë euro.
Kjo është bërë e ditur në njoftimin e Komisionit Rregullativ i Prokurorimit Publik.
Edhe këtë herë, operatori “Albus” ka fituar tenderin për këtë kontratë.
Për këtë tender KQZ-ja ka përdorur procedurën e negociuar pa publikim të njoftimit për kontratë, pa konkurrencë.
Sprei UV përdoret për spërkatjen e gishtit me rastin e votimit, në mënyrë që të parandalohet votimi i dyfishtë nga ana e votuesit.
Në krahasim me zgjedhjet e vitit 2017, sprei kishte kushtuar 44 mijë euro, shkruan inFokus.
Pra për të njëjtin tender, KQZ-ja ka shpenzuar rreth 4 mijë euro më shumë për zgjedhjet e parakohshme të 6 tetorit.
