Skuadra e Prishtinës në faqen e tyre zyrtare ka kujtuar turneun RUHR-Cup Internacional U-19 të mbajtur në vitin 2013 në Gjermani.
Në këtë turne, pos Prishtinës kishin marr pjesë edhe shumë skuadra të njohura evropiane.
Në ndeshjen e parë, Prishtina ishte mposhtur nga Borussia M’gladbach me rezultatin 1-0.
Kurse, 3-0 kishte humbur në ndeshjen e dytë ndaj Zenitit nga Rusia.
Ndërsa në ndeshjen e fundit për vendin e 5-të, Prishtina ishte takuar ndaj Arsenalit ku kishte fituar në penallti 7-6, pasi koha e rregullt kishte përfunduar 1:1.
Në këtë gjeneratë të Prishtinës ishin dalluar futbollistët si Liridon Latifi, Argjend Malaj, Enis Gavazaj e Lorik Aliu.