Skuadra e Paris Saint Germain duket se do të synojë të marr yllin e Barcelonës, Ivan Rakitic.
PSG dhe Barcelona janë në negociata tash e një kohë, por ishte Neymar JR emri për të cilin diskutohej.
Së fundmi, ‘RAC1’ raporton se është mesfushori kroat, Ivan Rakitic, ai i cili është çështje diskutimi.
Sipas të njëjtave burime, PSG ka bërë një ofertë të pa rezistueshme për kroatin, me shifrat që nuk janë bërë akoma publike, por thuhet të jenë të larta.
Rakitic është përmendur edhe më parë si pjesë potenciale shkëmbimi për rikthimin e Neymar, por PSG kishte kërkuar edhe shtesa.
Mbetet të shihet nëse do të arrihet ndonjë marrëveshje që do të dërgonte kroatin në Francë, por edhe të kthente Neymarin në ‘Camp Nou’.