Janë mësuar emrat e anëtarëve të jurisë së “New Artist” në “Kënga Magjike 2019”.
Festivali “Kënga Magjike” këtë vit për dallim prej herave të tjera, vjen me disa ndryshime, shkruan lajmi.net.
Se cilët artistë “Big” kalojnë në gjysmëfinale do të vendos publiku, kurse juria vendos për “New Artist”.
Tashmë janë bërë publik edhe emrat e anëtarëve të jurisë për artistët e rinj dhe ata janë: Arben Skënderaj, Armend Rexhepagiqi dhe Jonida Maliqi.
Pjesëmarrjen në “Kënga Magjike” e kanë konfirmuar Fifi, Krusita, Anxhela Peristeri, Linda Halimi, Ardit Çuni, Anjeza Branka, Orgesa Zaimi dhe Erik Lloshi.
Sipas burimeve të lajmi.net, por të pakonfirmuar, pjesëmarrës në këtë edicion në festival do të jenë edhe Flaka Krelani, Juliana Pasha, Yll Limani, Eneda Tarifa dhe vëllezërit Stefi dhe Endri Prifti.
