Gerhard Progni është njeriu i momentit te SC Gjilani.
Futbollisti i lindur në Tropojë po përfaqëson më së miri vlerat e vendit të tij duke shfaqur altruizëm të jashtëzakonshëm për bashkëlojtarët me fanellën e “kuqebardhëve”.
Progni ishte autor i golit të parë për Gjilanin në fitoren e realizuar në udhëtim te Drenica (0-2).Njëherit ky ishte goli i dytë këtë edicion me fanellën e ‘kuqebardhëve’ që kur u transferua nga Teuta e Durrësit këtë edicion.
Progni gjithashtu numëron dy asistime për bashkëlojtarët e tij, duke qenë njëherit njëri ndër asistuesit më të mirë të kampionatit.
Festimi i Gerhard Progit me bashkëlojtarin e tij Bedri Greca gjatë golit të realizuar në duel me FC DrenicënPor, altruizmi i Prognit nuk ndodhet vetëm brenda fushës së lojës.
32 vjeçari është tejet dorëlirë për bashkëlojtarët edhe jashtë tapetit jeshil.
Ai deri më tani ka qerasur bashkëlojtarët e tij me “Red Bull” për çdo gol dhe çdo asist të realizuar.Përveç tjerash Progni njihet si një motivues i madh për bashkëlojtarët e tij në dhomat e zhveshjes, teksa po shihet tashmë si një “bast” i fituar nga Mezani me sjelljen e tij te SC Gjilani.