Skuadra e Ballkanit është shumë afër transferimit të Mirlind Dakut.
Sulmuesi i njohur kosovar, Mirlind Daku, i cili aktualisht është lojtar i Kukësit tek Shqipëria, me shumë gjasë karrierën e tij do ta vazhdojë tek ekipi i Ballkanit në Superligën e Kosovës, sipas raportimit të GazetaSheshi.
Daku në të kaluarën ishte pjesë e Llapit në Superligën e Kosovës – ku shkëlqeu nën drejtimin e Batatinës.
Burimet e GazetaBlic mësojnë se negociatat mes Mirlind Dakut dhe klubit të Ballkanit janë duke vazhduar akoma, ndërsa mundësitë e dështimit të këtij transferimi janë pothuajse zero. Pritet që në të ardhmen e afërt, lojtari të vishet me fanellën e Ballkanit.
Deri më tani zyrtarisht klubi i Ballkanit ka transferuar Arbër Prekazin dhe Rron Gashin.