Rezultatet jo shumë të mira në fillimin e edicionit të ri kanë bërë që klubi i Ramiz Sadikut të bëjë ndryshime në stafin teknik.
“Ndërimtarët” kanë emëruar Ali Osmanin në krye të shtabit teknik për të zëvendësuar Triumf Sinanin, i cili megjithatë do të vazhdojë të mbetet pjesë e stafit teknik.
Lajmi është konfirmuar edhe nga drejtori i klubit Agron Mecinaj.
“Nga sot trajner i ekipit të parë të ‘Ramiz Sadikut’ emërohet Ali Osmani. Klubi me trajnerin u dakorduan për kontratë deri në fund të stinorit 2019/20. Ne vetëm i urojmë suksese trajnerit në vazhdim”, ka thënë Mecinaj.
Pas katër javëve të para në këtë edicion Ramiz Sadiku ka vetë një pikë duke regjistruar tri disfata dhe një barazim.