Ende pa u bërë katër vite që nga pranimi i Kosovës në FIFA dhe UEFA, por Përfaqësuesja A e Kosovës në vitin 2019 arriti shifrën e afro 100 milionë eurove.
85.5 milionë euro është vlera e saktë që faqja e specializuar për vlerën e futbollistëve, skuadrave e përfaqësuesve ‘Transfermarkt’ i ka dhënë ‘Dardanëve’ për vitin 2019.
Kjo llogaritje është bërë në bazë të futbollistëve të ftuar nga Bernard Challandes në ndeshjet e fundit, ndeshje në të cilat munguan Vedat Muriqi e Arbër Zeneli.
Dhe, nëse i shtojmë edhe vlerën momentale të Vedat Muriqit (8 milionë euro) dhe Arbër Zenelit (5 milionë euro), atëherë vlera e Kosovës për vitin 2019 kap shifrën prej 98.5 milionë eurove.
Vlen të theksohet se futbollisti më i shtrenjtë i Kosovës është sulmuesi vushtrrias, Milot Rashica, i cili në tregun e transferimeve momentalisht ka vlerën prej 35 milionë eurove.