Drenica u rikthye sërish te fitoret, teksa në kuadër të javës së gjashtë të Superligës së Kosovës e mposhti Ferizajn në udhëtim me rezultat minimal 0-1..
Kryetrajneri i ‘kuqezinjëve’ nga Skenderaj po beson se futbollistët e tij e merituan fitoren në këtë takim.
“Sot angazhimi i futbollistëve tanë ishte më i madh, në pjesën e parë ishim larg më të mirë se kundërshtari, kurse në të dytën luajtëm më shumë me kundërsulme kur kishim raste ta mbaronim dilemën e fituesit me Harmon e Sykaj, por me gjithat unë sot jam i kënaqur me atë se çfarë treguan futbollistët e Drenicës”, deklaroi Lushtaku pas ndeshjes për “Super Sport Kosova”.
Ekipi i Tahir Lushtakut tani merr frymë më lirshëm, pasi që është pozicionuar në mesin e tabelës.