Ferizaj i Bekim Isufit i ka zhgënjyer sërish tifozët “Ujqit” pasi që e kanë pësuar edhe humbjen e tretë radhazi në shtëpi, teksa nuk kanë realizuar as edhe një gol të vetëm, shkruan Gazetasheshi.com.
Vetë tekniku gjilanas e pranoi pas ndeshjes ndaj Drenicës (0-1) se ky fakt është shqetësues dhe se nuk i kishte ndodhur asnjëherë më parë në karrierën e tij.
“Sinqerisht për mua kjo është hera e parë që po më ndodh në karrierën time, lerë të mos fitojë tri ndeshje radhazi në shtëpi, por as mos mundësh të realizosh gol. E kam thënë edhe më herët që ekipin e kam gjetur kështu me këta futbollistë dhe do jetë tepër e vështirë. Po gabojmë në momentet më kritike dhe ne duhet të marrim mësime nga kjo. Po e them prap na pret një punë shumë shumë e vështirë për në vazhdim të kampionatit”, deklaroi Isufi pas ndeshjes për “Super Sport Kosova”.
Humbja përballë Drenicës në shtëpi e ka rikthyer Ferizajn sërish në pjesën e poshtme të klasifikimit.