Ushtria amerikane beson se një gamë e re e teknologjive mund të jetë e disponueshme deri në vitin 2050, që do ta shndërronte në mënyrë efektive ushtarin mesatar në një super ushtar.
Raporti për Ushtarin Modern jep disa detaje sesi Departamenti amerikan i Mbrojtjes planifikon të formojë super ushtarin. Në raport dallohen katër teknologji specifike:
“Përmirësime të syrit, deri te pamja dhe vetëdija e situatës.”
Aktualisht ushtarët amerikanë përdorin syze të mëdha dhe të rënda për të parë natën. Një mundësi tjetër është zhvillimi i lenteve me të njëjtin funksion, ndoshta edhe me një zmadhim dixhital që përdor realitetin e shtuar për të projektuar të dhëna kritike të armiqve dhe pozicionit të tyre në fushën e betejës.
“Restaurimi dhe kontrolli i programuar i muskujve.”
Një kostum restaurues mund të rinovojë muskujt e lodhur, duke freskuar më shpejtë ushtarët e lodhur fizikisht.
“Përmirësimi i auditorit për komunikim dhe mbrojtje. “
Dëgjimi është kritik në fushën e betejës dhe aktualisht ushtarët vendosin dëgjuese që ndalin zhurmën për të ekzaminuar pjesën tjetër të armëve. Mbrojtja e veshit është diçka komplekse dhe një pajisje shumë më e vogël dhe kompakte, do të ishte shumë e dobishme.
“Përmirësimi i drejtpërdrejtë nervor i trurit të njeriut për transferimin e të dhënave në mënyrë të dyanshme.”
Kjo do të ishte diçka revolucionare, pasi që do t’i lejonte ushtarët që menjëherë të ndajnë informacionin në të gjithë fushën e betejës, pa përdorimin e pajisjeve të komunikimit.