Trajneri Ramiz Krasniqi beson se në dëm të Feronikelit, për këtë sezon të IPKO Superligës së Kosovës, mund të jetë fakti se trajneri i ri, Dejan Vukicevic, nuk ka përvojë në futbollin kosovar dhe ai nuk e njeh ligën vendore.
I ftuar në emisionin “Favorit”, Krasniqi ndër të tjera ka folur edhe për formën e Feronikelit.
“Kampionati është i gjatë dhe do ta shohim edhe formën ka fundi i kampionatit. Feronikeli ndoshta ka hyrë në këtë kampionat pak i lodhur nga ndeshjet kualifikuese në Evropë”, tha Krasniqi.
“Por, mendoj se i duhet edhe trajnerit të ri të ballafaqohet me probleme dhe risi në Superligën e Kosovës, pasi që ai nuk e njeh në thelb Superligën e Kosovës. Ky është njëri ndër faktorët më të rëndësishëm dhe mund të jetë mangësi për të”, ka shtuar Krasniqi.