Granit Xhakës duket se është radha e shqiptarit tjetër, Shkodran Mustafi, për t’u “abuzuar” nga tifozët e Arsenalit.
Pak minuta i janë dashur tifozëve të Arsenalit që të “hidhen” në sulm ndaj mbrojtësit shqiptar, pasi ai shënoi autogol shumë herët në ndeshje mbrëmë kundër Liverpoolit.
Mustafi shënoi autogol pas vetëm 6 minutave lojë, në ndeshjen në ‘Anfield’ në kuadër të Carabao Cup.
27-vjeçari, që ishte në qendër të mbrojtjes së bashku me Rob Holding, ishte titullar dhe e luajti gjithë ndeshjen, e cila përfundoi në barazim 5:5 në kohë të rregullt.
Pas penalltive ishin vendasit që triumfuan, për ta prekur kështu çerekfinalen.
Por, Mustafi nuk është kritikuar vetëm për shkak të paraqitjes në ndeshjen e djeshme meqë tifozët e Arsenalit kanë kohë që janë të pakënaqur me të, pasi ishte cilësuar si fajtor edhe për shumë gabime dhe gola të lëshuar edhe edicionin e kaluar.Tifozët, që e kërkonin me ngulm shitjen e tij, tashmë duket se sa i përket çështjes Mustafi atë kanë filluar ta trajtojnë me shaka dhe jo me seriozitet.
“Mirë se u ktheve Mustafi”, shkruante një tifoz në Twitter duke ironizuar me autogolin e shqiptarit.
“Mustafi na përfaqëson të gjithë neve. E shënoi një auotogol me qëllim, në mënyrë që të emërojmë në trajner të ri.
Një topçi i vërtetë. Qendërmbrojtësi im”, shkruante një tjetër.
“Ky është Mustafi klasik.
Mirë se u ktheve”. “Mustafi është një legjendë e gjallë, çfarë finishi”, shkruante një tjetër.
E ardhmja e Mustafit duket gjithnjë e më larg Londrës, derisa edhe ish-futbollisti i Liverpoolit tani në rolin e analistit, Jamie Carragher, mbrëmë pas ndeshjes ka sugjeruar që klubi duhet ta shesë atë.“Mendoj se pasi të largohet do të jetë më mirë për të gjithë në Arsenal”, ka thënë ai.