Milot Rashica ka vazhduar me paraqitje të mira për skuadrën gjermane Werder Bremen.
Rashica është shpallur futbollisti i ndeshjes në fitoren e Werderit 4:1 kundër FC Heidenheim, në kuadër të Kupës së Gjermanisë (DFB Pokal).
Reprezentuesi i Kosovës është vlerësuar me notën 7.7. Ylli i “Dardanëve” shënoi një super gol në minutën e gjashtë duke e hapur serinë e golave të Werderit.
Mesfushori 23 vjeçar shënoi edhe në fundjavë në kuadër të Bundesligës kundër Bayer Leverkusen.
Ish futbollisti i Vushtrrisë me këtë gol ka arritur në kuotën e pesë golave të shënuara.