Neymari dhe Cristiano Ronaldo morën pjesë në një tjetër reklamë të çuditshme televizive, këtë herë duke veshur rroba mesjetare. Në këtë video, lufta e tyre me shpata shndërrohet në një dyluftim dritash.
Reklama, e cila u realizua përmes një kompania portugeze “Meo”, u postua në llogarinë zyrtare të Cristiano Ronaldos në rrjetin social Instagram, me mbishkrimin “Shikojini mbretërit e shpatave”,
Kjo është reklama e dytë e Meos ku po shfaqen këta dy yje të futbollit. Më herët këtë muaj, dyshja e shkëmbeu fushën e futbollit për një ring boksi. Në një tjetër version të reklamës, dyshja luajti ping-pong me shkopinj të vogël.
Ronaldo do të tentojë ta marrë vëmendjen nga kjo reklamë sonte, përmes paraqitjes së tij me Juventusin sonte në derbin kundër Napolit, në orën 20:45.
Në anën tjetër, Neymari nuk ka luajtur ende për Paris Saint-Germainin pasi që po e kërkon largimin nga klubi francez dhe kthimin në Barcelonë.