Në kuadër të përgatitjeve për kualifikimet e Botërorit, Përfaqësuesjaa e Kosovës në hendboll do t’i luajë dy ndeshje miqësore-kontrolluese.
Djemtë e selektorit Taip Ramadani do të testohen nga Përfaqësusja e Kuvajtit, që është prej më cilësoreve në Azi, shkruan FHK.
Kuvajti është duke u përgatitur në regjionin tonë për një garë të rëndësishme dhe dy prej ndeshjeve do t’i luajë me Kosovën.
Ndeshjet me Kuvajtin do të luhen në Rahovec në palestrën ‘Mizahir Isma’, që i plotëson të gjitha kushtet. Ndeshja e parë luhet të dielën nga ora 19:00, kurse e dyta të hënën nga ora 17:00.
Përfaqësuesja e Kosovës është duke u përgatitur në Prishtinë për ndeshjet e fazës së parë të kualifikimeve për Kampionatin Botëror të vitit 2021. Prej 10 deri më 12 janar në Benevento të Italisë, Kosova luan ndeshjet me Italinë, Rumaninë e Gjeorgjinë.