Tottenham Hotspur është klubi i fundit që po lidhet me një transferim të sulmuesit suedez, Zlatan Ibrahimovic.
Sipas mediumit britanik The Telegraph, Ibrahimovic mund të plotësojë boshllëkun e mbetur në sulmin e Tottenhamit nga Fernando Llorente, i cili kaloi te Napoli gjatë verës.
38-vjeçari do të bëhet një agjent i lirë kur kontrata e tij me LA Galaxy skadon muajin tjetër dhe mund të transferohet me kosto zero te cilado skuadër.
Bologna dhe veçanërisht Milani kanë qenë të lidhura me kthimin e tij në Itali, por te kuqezinjtë gjithashtu janë shfaqur edhe emra tjerë në listën e dëshirave.
Suedezi njihet për raportin e tij të fortë me trajnerin e ri të Spurs, Jose Mourinho, pasi kanë punuar me të në Inter dhe Manchester United.
Përkundër kësaj, ish-trajneri i Nerazzurrve e bëri të qartë që ai nuk do të mbyllte derën për përforcime në janar.
Në radarin e Spurs janë edhe Nemanja Matic, Bruno Fernandes dhe Ruben Dias./T/