“Rossoneri” po planifikojnë të përforcohen në mesfushë në afatin kalimtar të janarit. Ata e synojnë dyshen e Barcelonës dhe mesfushorin e Real Madridit
Milani është duke kaluar momente krize këtë sezon.
Dhe, ky fakt e ka shtyrë gjigantin italian të mendojë për përforcime në afatin kalimtar të janarit.
“Rossoneri” janë duke kërkuar mesfushorë për ta përforcuar ekipin, shkruan “Gazzetta dello Sport”.
Luka Modric i Real Madridit, dhe dyshja e Barcelonës, Arturo Vidal e Ivan Rakitic janë bërë objektiva të shtatë herë kampionit evropian.
Dyshja e Barçës është e pakënaqur me minutazhin që po i ofrohet në Camp Nou, prandaj mund të largohen gjatë janarit.
Ndërsa, fituesi i fundit i Topit të Artë kërkohet nga Milani qe një kohë.
Ndërkohë, për Vidalin dhe Rakiticin, interesim ka shfaqur edhe rivali i qytetit i Kuqezinjve, Interi.