Endrien Magani mund të provojë një tjetër aventurë në Kosovë, pas asaj me Gjilanin në edicionin 2019/20. Mbrojtësi nga Peqini po numëron ditët e fundit te Lushnja edhe pse ishte ndër më të spikaturit në edicionin e fundit në Ligën e Parë.
Siç raportojnë mediat në Shqipëri, konkretisht “Sport Ekspress”, tashmë 28 vjeçari ka marrë ofertat e para nga disa klube të Superligës në Kosovës dhe në Kategorinë Superiore në Shqipëri.
Mbetet për t’u parë se çfarë do të bëj Endri Magani për vijimin e karrierës, por në ditët e para të janarit, pritet që të vendosë rreth të ardhmes së tij.
Kujtojmë që vëllau i vogël i Endrit luan te Ballkani. Fjala është për sulmuesin Artur Magani.