Kanë përfunduar dy ndeshjet e para të javës së pestë në Ligën e Parë të zhvilluara këtë të shtunë.
KEK-u ka regjistruar fitoren e parë këtë edicion, teksa në shtëpi e ka mposhtur ekipin e Dardanës me rezultat bindës 3-0.
Djelmoshat e Enis Nasufit ishin dominues në përballje me Dardanën e Erdin Hashanit që ndal serinë prej dy fitoreve radhazi.
Ardit Preniqi, Vigan Veliu dhe Ilir Pollomi ishin golashënues për ‘elektricistët’ që minutat e fundit i luajtën me një lojtarë më pak në fushën e blertë për shkak të përjashtimit të futbollistit Vigan Veliu.
Fitore tejet të rëndësishme regjistroi edhe skuadra e Trepçë në udhëtim te Ramiz Sadiku.
‘Xehtarët’ triumfuan me rezultat të ngushtë 1-2, por të mjaftueshëm për të marrë fitoren e dytë radhazi.
Tani mitrovicasit me shtatë pikë i ikin fundit të tabelës, ndërkohë ‘ndërtimtarët’ mbesin në vendin e fundit me vetëm një pikë të tubuar.