Sulmuesi Milot Rashica vlerësohet të jetë futbollisti më i shtrenjtë te Përfaqësuesja e Kosovës, me vlerën e tij që pësoi rritje përsëri dhe tani është më i shtrenjti edhe te Werder Bremeni, shkruan Gazeta Metro.
Vlera e yllit kosovar, Milot Rashica, është rritur në treg për 75 për qind, konkretisht ai e kishte vlerën 20 milionë euro, ndërsa tani e ka 35 milionë euro.
Kësioj, sulmuesi vushtrrias vazhdon të jetë futbollisti më i shtrenjtë te Përfaqësuesja e Kosovës, por tani ai është bërë më i shtrenjti edhe te skuadra gjermane.
Sipas faqes së specializuar për vlerën e futbollistëve në tregun e transferimeve ‘Transfermarkt’, 23 vjeçari tani ka vlerën e 35 milionë eurove dhe kështu ai ka kaluar edhe dy futbollistët që ishin më të shrenjtë se ai, Maximilian Eggestein(23 milionë euro) dhe Davy Klaassen(22 milionë euro).
(Pesë futbollistët më të shtrenjtë te Werder Bremeni).