Kosova e ka shënuar ngritjen më të madhe në historinë e saj, në ranglistën botërore të FIFA-s.
Faqja zyrtare e FIFA-s ka publikuar renditjen më të fundit, ku Kosova ka pasur ngritje historike,
Pas dy ndeshjeve kualifikuese të shtatorit për kampionatin evropian, Kombëtarja e Kosovës tani është ngritur për një pozitë, në të 119-tën, nga pozita 120 kur ishte në klasifikimin e kaluar.
Faqja zyrtare e FIFA-s me foto të Kosovës ka bërë të ditur ranglistën e re, ku shkruan se Kosova tani është ngritur në pozitë rekord, transmeton Insporti.
“Dardanët” nga 1149 pikë sa kishin gjithsej, tani kanë 1164 pikë në renditjen botërore.Kjo do të thotë se kombëtarja e udhëhequr nga Challandes, ka fituar 15 pikë gjithsej pas ndeshjeve të shtatorit.
Në muajin shtator, Kosova e mundi 2:1 Çekinë në ‘Fadil Vokrri’, derisa u mund 5:3 në udhëtim nga Anglia, ku tregoi paraqitje dinjitoze.