Ndeshja ndërmjet Tiranës dhe Teutës në basketboll për meshkuj u prish nga një episod shumë i shëmtuar.
Basketbollisti i Tiranës, Bruno Deliu, në një moment nervozizmi gjatë lojës u shkëput nga parketi dhe iu drejtua gjyqtarit. Ai e goditi kafshërisht duke e rrëzuar në tokë dhe duke lënë të gjakosur Jurgen Muhon, shkruan Telesport.
Federata Shqiptare e Basketbollit është mbledhur ditën e sotme dhe ka vendosur dënimin për 34-vjeçarin.Deliu është përjashtuar përjetë dhe nuk do të shkelë më në parket.
Një vendim i rëndë, por i merituar për basketbollistin që dhuroi një shfaqje të shëmtuar dhe dha një shembull shumë të keq.