Sulmuesi Vedat Muriqi është duke kaluar një formë të shkëlqyer si me përfaqësuesesn e Kosovës, ashtu edhe me klubin e Fenerbahçes.
Paraqitjet fantastike të shqiptarit të Kosovës, kanë zgjuar interesin e shumë klubeve Europiane, ndërkohë që së fundmi media turke “Fotosport” ka zbuluar një detaj tepër të rëndësishëm që ka të bëjë me transferimin e mundshëm të dy futbollistëve serbë Kolarov dhe Fejsa te Fenerbahçja.
Sipas të njëjti burim, transferimi dështoi për shkak të shqiptarit të Kosovës, Vedat Muriqi.
Ky i vendosi të fliste me drejtuesit e klubit, duke u kërkuar një ambient më të rehatshëm për të punuar, pa praninë e dy lojtarëve serb, që njihen edhe për nacionalizmin e tyre.
Klubi i Fenerbahçes i ka shprehur mbështetje të plotë sulmuesit duke pranuar kërkesën e tij dhe duke i dhënë fund kështu mundësisë për të sjellë në Turqi lojtarët Kolarov dhe Fejsa.