Ndeshja Çeki – Kosovë, është sfidë në të cilën do të luftohet për një biletë në Kampionatin Evropian Euro 2020.
Kombëtares së Kosovës në këtë ndeshje i duhet vetëm fitorja për të shpresuar në kualifikim.
Para kësaj sfide tejet të rëndësishme nè një prononcim për BlicMedia, ka folur ndihmës trajneri i skuadrës së Balllanit, Agim Maliqi.
“Një ndeshje e vështirë për reprezentacionin tonë. Së pari çekët përparësi kanë terenin vendas, shikuesit, por na gëzon fakti që ne jemi në një formë shumë të mirë si ekip”, ka thënë Maliqi.
“Kemi lojtarët e sulmit në formën më të lartë, Muriqin dhe Rashicën, pastaj mbrojtjen e kemi në formë. Shpresojmë dhe besojmë se djemët tanë do kthehen fitimtar nga kjo përballje dhe
do të na bëjnë krenar si deri tani me paraqitje të mira”, ka deklaruar Agim Maliqi.
Çeki – Kosovë luhet ditën e enjte me fillim nga ora 20:45. /BlicMedia.net