Futbollistët e Kosovës vazhdojnë të tregojnë rezultate të mira me klubet respektive.
Pas Vedat Muriqit, edhe sulmuesi tjetër i kombëtares së Kosovës, Atdhe Nuhiu po shënon suksese të reja.
Anëtari i Sheffield ka hyrë në histori, pasi në skuadrën ku luan ai renditet si lojtari i dytë që ka realizuar më së shumti gola në shekullin 21, gjithsej 44.
Atdhe Nuhiu 🇽🇰 is now Sheffield Wednesday's 2nd highest goalscorer of the 21st century (44 goals) behind only Marcus Tudgay 🇬🇧 (52 goals) and 1 ahead of Gerald Sibon 🇳🇱 (43 goals) #swfc
— Lee Fisher (@LeeJFisher1) September 21, 2019
Marcus Tudgay është para tij. Britaniku ka realizuar 52 gola me klubin nga Hillsborough Stadium, derisa holandezi, Gerald Sibon ka 43 gola, një më pak se Nuhiu.
Gjithsesi, mbetet të shihet nëse ai do të vazhdojë edhe më tutje të luajë për këtë ekip, e pse jo të thyejë edhe rekorde të tjera.Sulmuesi 30-vjeçar nga Prishtina, është pjesë e Sheffieldit që nga sezoni 2013/14.