Në ditën e djeshme doli lajmi se Altin Lloga, Orges Gava dhe Hysein Demiri janë larguar nga Dukagjini pas ndeshjes me Flamurtarin që e humbën 2:1.
Gazeta Sheshi merr vesh ekskluzivisht se lojtarët janë sulmuar pas ndeshjes.
“Dikush nga kryesia e klubit i ka sulmuar lojtarët fizikisht pas ndeshjes. Ka pasur tollovi, pasi humbja nuk iu ka pëlqyer kryesisë”, ka thënë një burim i afërt më lojtarët pa ndeshjes.
Dukagjini nuk po kalon momente të mira në Superligë që nga inkuadrimi.
Kjo skuadër pas javës së 15-të në Superligë ndodhet në pozitën e fundit në renditje me tetë pikë të grumbulluara.