Duke u bazuar në statistikat e 34 ndeshjeve në ligë, talenti kosovar i Heereenvenit, Ibrahim Dresheviq, ka arritur të hyjë në formacionin e mediumit prestigjioz britanik “Sky Sports” për futbollistët e rinj në Evropë.
Qendërmbrojtësi kosovar në 10 paraqitjet e këtij sezoni në Eredivisie të Holandës ka realizuar dy supergola nga distanca.
Për herë të parë, 22-vjeçari u paraqit edhe për Kosovën, në miqësoren me Gjibraltarin në muajin tetor.
Në përshkrimin e Sky Sports për përfshirjen e Dresheviqit në mesin e të rinjve më të mirë në Evropë thuhet se “ai ka hyrë në 11-shen startuese me dy golat nga distanca – përfshirë një gol që garon për golin e vitit ndaj Feyenoordit – dhe ndihmën që ekipi i tij të mbajë katër herë portën e paprekur në Eredivisie”.
