Ka përfunduar intervistimi i ish-anëtarit të UÇK’së dhe kryetarit të PDK’së, Kadri Veseli, nga ana e Gjykatës Speciale, ai nga atje ka thënë se lufta çlirimtare ka qenë luftë mbrojtëse kundër gjenocidit serb, shkruan Gazeta Metro.
Veseli tha para mediave se lufta e UÇK’së ka qenë luftë mbrojtëse kundër gjenocidit serb. Ai ftoi qytetarët e Kosovës që në këtë kohë të qëndrojnë të bashkuar dhe ta kalojnë edhe këtë sfidë së bashku.
“Vitet e 90’ta kanë qenë të vështira, UÇK ka qenë në përballje me gjenocidin serb, ftoj te gjithë qytetaret e Kosovës që ta kalojmë edhe ketë sfidë së bashku.” është shprehur Veseli para mediav.
Ndryshe, Kreu i PDK’së u nis gjatë mesditës të së hënës për në Hagë dhe tha se ky është një moment ndërkombëtarë për të rikonfirmuar pastërtinë e luftës së popullit të Kosovës.
Kujtojmë se paraqitja e Veselit para Speciales ishte paraparë për datën 4 dhjetor, por për shkaqe teknike është shtyrë deri sot./gazetametro.net