Partia Demokratike e Kosovës në këto momente është duke mbajtur tubim në qytetin e Pejës.
Nga aty kreu i PDK-së, Kadri Veseli ka thënë se PDK është alternativa e vetme e cila mund ta luftojë krimin dhe korrupsionin, e njëkohësisht ta ruajë miqësinë e Kosovës me aleatin tonë më të madh, Amerikën.
Nga aty Veseli i është kundërpërgjigjur kreut të LDK-së, Isa Mustafës, i cili gjatë ditës së sotme shkroi se koalicioni LDK-VV ka gjasa reale që të ndodhë, dhe se ky nuk do të jetë koalicion i territ, por koalicion i luftimit të krimit dhe korrupsionit.
Veseli shkurt ia rikujtuar Mustafës se cili është qëndrimi i SHBA-ve për Albin Kurtin.
“Mustafa e di kur kemi qenë në SHBA se cili është qëndrimi i SHBA-ve për Albin Kurtin dhe njëkohësisht i Albin Kurtit për SHBA-të. Është shqetësim, e bëj nga shqetësimi se shtetit tonë në këto kohë të rëndësishme nuk i duhet koalicioni i izolimit”, ka thënë ndër të tjera Veseli./Reporteri.net