Sonte në stadiumin “Fadil Vokrri” në Prishtinë, do të luhet ndeshja shumë e rëndësishme për Kosovën në kuadër të kualifikimeve për Euro 2020.
Kosova e pret Malin e Zi dhe vetëm fitorja do t’i kryente punë në mënyrë që të jenë ende në lojë për kualifikim.Në lidhje me këtë takim, ka folur trajneri i Ballkanit, Ismet Munishi, i cili thotë që Rashica e Muriqi duhet të jetë liderët e Kosovës.
“Ndeshja është e rëndësisë së veçantë, por nuk duhet tepruar me presionin. Rashica dhe Muriqi duhet të jenë lider, rikthimi i Rashicës është shumë me vlerë për ne”, tha Munishi.
Ai i ndal edhe tek ndeshja e parë mes tyre ku kishte përfunduar me rezultatin 1:1.
“Në ndeshjen e parë kemi luajtur mirë , faktorët kanë qenë të ndryshme, shpresoj që selektori e dinë dhe do ti marr masat adekuate sonte”, e mbylli deklaratën e tij Munishi dhënë për Insportin.Kujtojmë që takimi Kosova – Mali i Zi nis nga ora 20:45.