Cristiano Ronaldo ka shpërthyer në lot duke shprehur keqardhjen për faktin se babai i tij i ndjerë nuk ka jetuar për ta parë atë duke u shndërruar në yll futbolli.
Ronaldo ishte vetëm 20 vjeç kur Jose Dinis Aveiro kishte vdekur për shkak të problemeve me mëlçinë që i ishin shkaktuar nga përdorimi i skajshëm i alkoolit pothuajse gjatë gjithë jetës.
Sulmuesi i Juventusit dhe pesë herë fituesi i Topit të Artë, Ronaldo nuk mundi t’iu përmbahet emocioneve pasi atij iu treguan pamje të papara deri më tani të babait të tij duke u krenuar me përparimin e shpejtë të të birit gjatë Kampionatit Evropian më 2004.
“Kurrë nuk e kam parë këtë video. Më falni” tha Ronaldo për ITV.
“Të jem numër 1 dhe ai nuk e sheh këtë dhe asgjë tjetër… ai nuk më sheh duke fituar çmime, kurrë. Familja ime më sheh, nënë ime më sheh, vëllezërit më shohin, madje edhe djali im i madh më sheh, por babai im, ai nuk sheh asgjë”, tha Ronaldo duke i fshirë lotët.
“Mendoja se intervista do të ishte argëtuese. Nuk prisja të qaja. Por këto pamje nuk i kam parë kurrë. Duhet t’i kem këto pamje për t’ia treguar familjes”, shtoi ai.
“Ama unë nuk e njihja babanë tim 100 për qind. Ai ishte pijanec. Nuk kam bërë kurrë bisedë normale me të. Ka qenë e vështirë”, përfundoi ai.
‘He doesn’t see me receive awards.’
In an emotional interview, @Cristiano breaks down in tears over the loss of his late father and the fact that he never got to witness his son's success.
Watch the full interview on @ITV on Tuesday at 9pm.@piersmorgan | #GMB pic.twitter.com/LybbJn31VR
— Good Morning Britain (@GMB) September 16, 2019