Dje Përfaqësuesja e Kosovës ka zhvilluar stërvitjen e radhës në kuadër të përgatitjeve për dy ndeshjet e tetorit m Gjibraltarin dhe Malin e Zi.
Sot Kosova e zhvillon stërvitjen e fundit para ndeshjes me Gjibraltarin që luhet nesër nga ora18:00 në stadiumin “Fadil Vokrri” në Prishtinës.
Por ajo që ra në sy në stërvitjet e djeshme ishte fakti se 4 futbollistë nuk ishin 100 përqind në stërvitje.
Vedat Muriqi nuk është paraqitur fare në stërvitje, derisa Milot Rashica ka stërvitur i diferencuar. 100 përqind nuk ka qenë as Herolind Shala i cili një pjesë të punës e ka kryer me trajnerin kondiocional, derisa kah fundi i stërvitjeve shqetësime ka shfaqur edhe Mërgim Vojvoda.
Ajo që mëson Zëri.info nga burime të afërta me përfaqësuesen, asnjë nga këta lojtarë nuk kanë probleme serioze, kështu që paraqitja e tyre sidomos në ndeshjen me Malin e Zi nuk rrezikohet, derisa në sfidën e nesërme mund të lihen të lirë nga trajneri Challandes.