Një 24 vjeçar nga fshati Gadime e Ulët e Lipjanit, raportohet të jetë zhdukur qysh sot një javë.
Për rastin e Shqipdon Alijajt, të hënën Policia e Kosovës ka kërkuar bashkëpunim nga qytetarët për gjetjen e tij.
Ky është njoftim i plotë i Policisë:
Prishtinë, 21 tetor 2019 – Ju njoftojmë se më datë 14.10.2019, në polici është raportuar për një person të zhdukur.
Bëhet fjalë për personin, Shqipdon Alija, i lindur në vitin 1995, banues në fshatin Gadime e ulët – Lipjan.
Që nga dita e raportimit deri më tani, njësitet policore te hetimeve, kërkimeve si dhe patrullat në koordinim me prokurorinë përkatëse dhe në bashkëpunim të ngushtë me familjarët, kanë ndërmarrë një varg veprimesh si:
o intervistime të personave që mund të ndihmojnë në gjetjen e vendndodhjes së personit,
o kontrollimi i hyrje- daljeve, në të gjitha pikat kufitare,
o kërkime në zona që personi kishte frekuentuar zakonisht (ambiente të mbyllura dhe të hapura përfshirë edhe vendet ku personi kishte punuar),
o analizimi i video incizimeve të zonave të ndryshme,
o analizimi dhe hetimi i çdo lloj informacioni që lidhet me personin, etj.
Veprimet dhe kërkimet policore, janë duke vazhduar intenzivisht, mirëpo njëkohësisht kërkojmë nga të gjithë ata që mund të ndihmojnë në identifikimin e vendndodhjes së tij, të informojnë Policinë e Kosovës në linjën emergjente 192, apo ne nr 080019999.