Përqafimi është forma më universale e komunikimit: ndryshe nga puthja, një gjest shumë intim, përqafimi është shumë më efektiv në transmetimin e emocioneve dhe gjithashtu funksionon midis dy të huajve.
Shpesh, kur ndjehemi keq, kur ndjehemi të vetmuar në atë pikë sa të mos kemi forcë për të vazhduar të ecim përpara vetëm, na duhen ato momente në të cilat do të dorëzohemi në krahët e një personi; pa menduar, thjesht duke shijuar atë mbështetje.
Përqafimi është një ilaç që, në të njëjtën mënyrë, është në gjendje të na bëjë të ndjehemi më mirë fizikisht dhe mendërisht.
1. Përqafimi ul nivelet e stresit
Shumë shpesh ne e nënvlerësojmë forcën e një përqafimi. Kur përqafojmë ose përqafohemi, niveli i kortizolit – hormoni i stresit – zvogëlohet në të gjithë trupin, duke lënë hapësirë për një ndjenjë të mirëqenies.
2. Përmirëson humorin në përgjithësi
Kur shkëmbejmë një përqafim, në trupin tonë shpërndahet serotonina, hormoni i lumturisë, antagonisti i kortizolit. Rezultati është që ne bëhemi më të predispozuar për humor të mirë dhe pozitivitet. Në të njëjtën kohë, vetëvlerësimi rritet gjithashtu!
3. Relakson trupin
Një përqafim ka efektin e relaksimit të muskujve, madje edhe ato që ne i mbajmë të kontraktuar në pjesën më të madhe të ditës pa qëllim.
4. Normalizon rrahjet e zemrës
Një studim vuri në dukje se çiftet që nuk përqafohen shpesh kishin 10 rrahje zemre më të larta, krahasuar me ata që thanë se përqafohen shpesh gjatë ditës. Një rrahje më e ngadaltë sjell shumë përfitime shëndetësore!
5. Komunikon më mirë se 1000 fjalë
Sa herë kemi preferuar një përqafim më tepër sesa fjalët? Kjo sepse, si me magji, konceptet dhe emocionet transferohen më mirë përmes kontaktit me lëkurën. Me fjalë të tjera, ne duhet të kthehemi te përqafimi çdo ditë për të ruajtur mirëqenien tonë psikofizike dhe lumturinë tonë! /SHS.