Paneli Zgjedhor për Ankesa dhe Parashtresa-PZAP mori vendim pozitiv për Nismën Socialdemokrate, duke i anuluar të gjitha votat e ardhura nga Serbia dhe që të rinumërohen të gjitha votat.
“Lidhur me ankesën e parashtruar nga Koalicioni Nisma – AKR – PD, ka vendosur që të pranojë të bazuar ankesën dhe ka urdhëruar KQZ-në, që të largojë nga rezultati përfundimtar i zgjedhjeve votat e votuesve jashtë Kosovës të ardhura nga Serbia. 23 ankesa janë hedhur te pasafatshme dhe të palejuara. 25 ankesa janë refuzuar të pabazuara. 1 ankesë konstatohet e tërhequr”, thuhet në njoftimin e PZAP-it.
Edhe pse kjo nuk është përfundimtare, anëtarët e Nismës kanë filluar që t’i gëzohen këtij lajmi.
Luan Maloku, zyrtari Nismës Socialdemokrate shkroi “Shihemi në kuvend”.