Edon Zhegrova luajti pak por kjo i ka mjaftuar atij që të lërë gjurmë në fitoren e mbrëmshme të Kosovës kundër Malit të Zi, me rezultat 2:0 në stadiumin Fadil Vokrri në Prishtinë.
Kosova arriti fitore të rëndësishme kundër Malit të Zi, fitore kjo që i ka lënë “Dardanët” në garë për vendin e dytë që dërgon në Euro 2020.
Sulmuesi i krahut të Kosovës dhe Baselit, hyri në lojë në minutën e 88-të ku nga fusha u largua Mërgim Vojvoda.
Edhe pse pati pak minuta dhe nuk arriti që të bëj ndonjë spektakël në fushë, megjithatë Edoni ndihet i lumtur me fitoren.
“Çfarë dite! Falëminderit të gjithëve për përkrahje”, ka shkruar Edoni derisa është duke u fotografuar me tifozë të Kosovës në stadiumin “Fadil Vokrri”.