Ministri i Jashtëm në largim, Behgjet Pacolli ka njoftuar se ka arritur në Nju Jork, për të marrë pjesë në Asamblenë e Përgjithshme të KB-së, duke njoftuar se gjatë ditëve të ardhshme do të zhvillojë takime me vendet anëtare për të forcuar pozitën ndërkombëtare të Kosovës.
Permes një postimi ne llogarinë e tij në Facebook, Pacolli ka shkruar, ” Sapo arrita në New York për të marrë pjesë në Asamblenë e Përgjithshme të KB. Ditëve të ardhshme do të zhvilloj takime të rëndësishme me krerë shtetesh dhe ministra të punëve të jashtme për të fuqizuar marrëdhëniet e Kosovës me këto vende dhe për të forcuar poziten ndërkombëtare të Kosovës. Në këtë kohë interesi i Kosovës është mbi të gjitha për ta bërë vendin tonë më të fortë dhe me të integruar.”