Sulmuesi kosovar, Vedat Muriqi falë paraqitjeve të mira me klubin turk, Fenerbahçe, ka arritur që për kohë të shkurtër t’i tregojë aftësitë e tij dhe të kërkohet nga shumë klube të mëdha Evropiane.
Pak çaste më herët mediat në Britani shkruajnë se për sulmuesin kosovar interesim të madh ka skuadra e Leicesterit, por tani vjen edhe një lajm tjetër, Tottenhami është skuadra e tretë angleze që kërkon shërbimet e prizrenasit.
Pas Leicesteri, Man United, tani edhe Tottenhami kërkojnë që të firmosin me Vedatin, qysh në afatin kalimtar të janarit.
Kujtojmë se futbollisti nga Prizreni i ka realizuar 9 gola në 13 ndeshje në Superligën turke këtë sezon, ndërsa i kishte shënuar 17 gola në 34 ndeshje në sezonin e kaluar me Rizesporin.