Kryeministri i Shqipërisë Edi Rama ka bërë të ditur se gjithë shtetet mike të Shqipërisë kanë shprehur gatishmëri për ndihma pas tërmetit që goditi mëngjesin e sotëm shtetin shqiptar.
Teksa tha se dy avionë me skuadra speciale kanë nisur kryeministri italian Conte dhe ai grek, Mitzotakis.
Rama, po ashtu tha se edhe presidenti i Kosovës, Hashim Thaçi ka aktivizuar skuadrat speciale të FSK-së drejt zonave të krizës emergjent.
Ky është postimi i tij i plotë në rrjetin social “Facebook”.
Të gjithë miqtë e Shqipërisë po aktivizohen me shpejtësi. Kryeministri Conte e kryeministri Mitzotakis nisën avionët me skuadrat speciale. Presidenti Macron e Presidenti Erdogan më shprehën gatishmërinë për çdo nevojë. Ambasadat e BE/SHBA kanë njoftuar qysh herët gatishmërinë.
Kontaktet vazhdojnë intensivisht.
Qysh herët më ka telefonuar edhe Presidenti Thaçi, i cili ka aktivizuar skuadrat speciale të FSK drejt zonave të krizës emergjente për nxjerrjen e njerëzve ende nën rrënoja.
Vazhdojnë kontaktet, ndërkohë që në terren po bëhet gjithçka e mundur, në çdo pikë ku ka rrënoja, si edhe për të asistuar të gjithë të dëmtuarit që kanë nevojë për ndihmën shëndetësore.