Niko Kovaç nuk është trajner i Bayern Munich. Lajmi u konfirmua nga gjiganti bavarez pak minuta më parë, teksa janë zbuluar edhe fjalët e para të Kovaç pas largimit.
“Unë mendoj se ky është vendimi i duhur për klubin në këtë kohë. Rezultatet dhe mënyra se si ne kemi luajtur kohët e fundit më kanë çuar në këtë vendim. Vëllai im Robert dhe unë do të donim të falënderonim FC Bayern për këto 18 muajt e fundit. Gjatë asaj kohe skuadra jonë fitoi Bundesligën, Kupën e Gjermanisë dhe Superkupën. Ishte një kohë e mirë për mua,” u shpreh Kovac.
Pas vendimit për të larguar Kovac, Bayern Munich nuk ka nguruar të zbulojë edhe trajnerin e ri.
Bëhet fjalë për ndihmës trajnerin e Kovac, Hansi Flick, i cili do të përgatisë skuadrën për ndeshjen e Champions League kundër Olympiacos dhe Borussia Dortmund të shtunën.
Kandidat potencial për të marrë drejtimin e Bayern është Massimiliano Allegri.