Liverpooli do të paraqitet me fanella të veçanta në ndeshjen e sotme ndaj Wolverhampton Wanders në Premier Ligë.
Sot dhe nesër zhvillohen ndeshjet e javës së 20’të, javë e cila njëherëshit është edhe e fundit për këtë vit në kampionatin anglez.
Lideri në tabelë, Liverpool, luan sot në ‘Anfield Road’ ndaj Wolves me fillim prej orës 17:30. E në këtë ndeshje futbollistët e Liverpoolit do të veshin për herë të parë fanellat me emblemën e fitues të Kupës së Botës për Klube.
— Liverpool FC (@LFC) December 29, 2019
Këto fanella ‘Të Kuqtë’ do t’i veshin deri në vitin e ardhshëm, kur edhe do të zhvillohen ndeshjet e Kupës së Botër për Klube për vitin 2020.
Kujtojmë që Liverpooli arriti të shpallet kampion i botës për herë të parë në histori, duke e mposhtur 1-0 Flamengon në finale.