Barcelona dhe Borussia Dortmund janë dy skuadrat që kanë siguruar kalimin tutje në Ligën e Kampionëve nga Grupi F.
Interi nuk ka arritur që ta fitojë garën me Borussia Dortmundin për pozitën e dytë në grup, pasi pësuan humbje nga Barcelona, e në anën tjetër Dortmundi shënoi fitore.
Barcelona e cila kishte siguruar më herët pozitën e parë në grup dhe sonte hyri me formacionin e dytë në lojë arriti fitore 1-2 në udhëtim te Interi, falë golave nga Carles Perez dhe Ansu Fati, teksa për ‘Nerazzurët’ golin e vetëm e shënoi Romelu Lukaku.
Në anën tjetër Dortmundi arriti fitore ndaj Slavia Prague me rezultatin 2-1. Jadon Sancho dhe Julian Brandt shënuan për vendasit, kurse golin e vetëm për mysafirët e shënoi Tomas Soucek.
Kështu, Barcelona kalon në fazën e eliminimit direkt si lidere e Grupit F me 14 pikë, teksa Dortmundi kalon nga pozita e dytë me 10 pikë.
Ndërkaq, Interi nga pozita e tretë me 7 pikë garat do t’i vazhdojë në Ligën e Europës, kurse Slavia Prague në pozitën e fundit me 2 pikë përshendet nga garat europiane