Vushtrria e ka pësuar humbjen e tetë sezonale, derisa këtë herë është mposhtur në udhëtim te skuadra e Trepçës ’89.
Megjithatë kryetrajneri i kësaj skuadre Fitim Llapashtica nuk është dorëzuar dhe beson shumë në skuadrën e tij.
“Vinim pas dy ndeshjeve të mira dhe ishim të motivuar për këtë ndeshje. Por, ne bëmë një gabim të pafalshëm kur edhe e pranuam golin dhe sikurse na u hakmorrën rastet që nuk shënuam. Megjithatë, ne prap tentuam, madje edhe kur ishim me një futbollistë më pak në fushë, por që futbolli është i tillë dhe ne duhet të pajtohemi me fatin”, deklaroi Llapashtica për “Super Sport Kosova”.
“Kemi për ti zhviluar edhe katër ndeshje deri në fundin e stinorit vjeshtor, prej të cilave dy ndeshje radhazi do të luajmë në shtëpi dhe ne nuk do të dorëzohemi për asnjë moment. Do të tentojmë të mbledhim pikë sa më shumë që të jetë e mundur”.