Të dielën u zhvilluan ndeshjet e fundit të fazës 1/16 së finales në Kupën e Kosovës në futboll, që njëherëshit ishin edhe ndeshjet e fundit për këtë vit kalendarik.
Ballkani, Feronikeli, Dukagjni, Drenica, Prishtina, Gjilani, Liria dhe Vushtrria janë tetë skuadrat që kanë siguruar fazën çerekfinale në Kupën e Kosovës.
Dhe, Federata e Futbollit e Kosovës ka njoftuar se tërheqja e shortit për fazën çerkefinale do të bëhet të enjten në ora 12:00.
“Komisioni i Garave do të bëjë tërheqjen e shortit për fazën çerekfinale të Digitalb Kupës së Kosovës, të enjten, në orën 12:00, në selinë e FFK-së. Pjesëmarrjen në këtë fazë të garave e kanë siguruar Prishtina, Gjilani, Liria, Vushtrria, Feronikeli, Drenica, Ballkani dhe Dukagjini” – thuhet në njoftimin e FFK’së.
Kujtojmë që kampion në fuqi i kësaj gare është skuadra e Feronikelit.